Stoðþjónusta

 

Skóla- og tómstundasvið Ísafjarðarbæjar fer með daglega yfirstjórn þeirra málefna sem heyra undir fræðslunefnd. Þar starfa meðal annars sálfræðingur, námsráðgjafi, kennsluráðgjafi, sérkennslufulltrúi, sviðsstjóri og talmeinafræðingur. Ef þörf krefur fær skólinn sértæka aðstoð frá skrifstofunni eða fyrir milligöngu hennar.

 

Túlkaþjónusta

Skólinn hefur keypt túlkaþjónustu þegar þörf hefur krafið af Barböru Gunnlaugsson á Ísafirði. Það er aðallega í foreldraviðtölum sem slík þjónusta er notuð.

 

Heilbrigðisfræðsla

Skólahjúkrunarfræðingur annast heilbrigðisfræðslu eftir því sem við verður komið og hefur um það samvinnu við kennara.

 

Heilbrigðiseftirlit

Skólahjúkrunarfræðingur skoðar alla nemendur og mælir hæð, þyngd og sjón. Hjá nemendum í 7. bekk athugar hann einnig litaskyn. Hjá nemendum í 9. bekk mælir hann einnig heyrn og bólusetur þá gegn mænusótt, barnaveiki og stífkrampa. Nemendurnir fara heim með miða þegar kemur að skólaskoðun. Hjúkrunarfræðingurinn þarf að fá upplýsingar um langvinna sjúkdóma og lyfjanotkun, þar sem slíkt getur haft mikil áhrif á líðan, hegðun og námsgetu. Einnig þarf hjúkrunarfræðingurinn að fá upplýsingar um veigamiklar breytingar sem verða á högum nemandans.